⚜️ Н.Островский атындағы №8 орта мектеп КММ-нің биология пәнінің мұғалімі Сағадиева Ботакөз Қуанышқызы "Заманауи сабақ - педагогтің кәсіби өсуінің көрсеткіші" қалалық үздік сабақтар фестивалінде жаратылыстану бағыты бойынша жүлделі ІІІ орынды иеленді. Құтты болсын!

9 желтоқсан күні «Жетісу» туристік ақпараттық орталығы» коммуналдық мемлекеттік мекемесі мектебіміздің оқушылары үшін көрме ұйымдастырды.

Мектебімізде «Адал Ұрпақ» ерікті мектеп клубы жұмыс жасауда. Мақсаты: Оқушыларды рухани адамгершілікке және азаматтық патриоттық рухта тәрбиелеу, оқушылардың саяси құқықтық білімін, сыбайлас жемқорлыққа қарсы мінез –құлқын қалыптастыру. Адалдық – адамгершілік парасаттың ең биік шыңы. Ол кез-келген істе, әрекетте, сөзде өзінің пендешілік мүддесінен адамшылық мүддесін жоғары қоя білуді білдіреді. «Адамдықтың нұры бол, адалдықтың құлы бол» деп, келер ұрпақты ақиқатты ардақ тұтуға шақырамыз!

Мектебіміздің бастауыш сынып мұғалімі Галиоллаева Айжан Асқарқызы қалалық "Педагогикалық дебют" байқауында шығармашылық белсенділік танытып, "Креативті ұстаз" номинациясын иеленді.

 Бастауыш сынып мұғалімдеріне арналған "Алтын тұғыр" математикалық олимпиадасының қалалық кезеңіне мектебіміздің бастауыш сынып мұғалімдері қатысып, II дәрежелі дипломмен марапатталды.

"Жас ұрпақ" жастар қоғамдық бірлестігінің "Жетісу ділмарлары" пікірсайыс қозғалысы жобасы аясында Жетісу облысы білім басқармасымен бірлесе ұйымдастырылған "Жаңа Қазақстанның болашағы зерделі ұрпақ" республикалық пікірсайыс турнирінде "Үздік төреші" номинациясымен Виктория Сташкова мен Бақытжан Атамбай марапатталды.

Н. Островский атындағы N8 орта мектептің "Истоки" туристік және өлкетану клубы Жетісу облысының туризм саласын дамытуға қосқан зор үлесі үшін Алғыс хатпен марапатталды. Жетекшісі: Литвинова Александра Николаевна. Мектептің мерейін асқақтата беріңдер! Құттықтаймыз!

Н.Островский атындағы №8 орта мектепте «Жас полиция көмекшілері» тобы жұмыс атқарады. «Жас полиция көмекшілері» тобы мектеп тәртібін сақтауға көмектесіп, күн де кезекшілік атқарады. Жетекшісі: Дене шынықтыру пәнінің мұғалімі Қазбек Ысқақ. «Жас полиция көмекшілері» тобының куәлік алы сәті.

Мектебімізде «Жас Сарбаз» үйірмесі құрылған. Үйірме мүшелігіне ұйымдастырушылық қабілеттері жоғары, спортқа бейім, алғыр да талапты оқушылар тартылған. Жас Сарбаз» үйірмесінің жетекшісі: Алғашқы әскери дайындық мұғалімі А.Маметбакиев. «Жас Сарбаз» үйірмесінің жетекшісі, алғашқы әскери дайындық сабағының мұғалімі А.Маметбакиев оқушыларға "Жас Сарбаз» белгішесін (значок) тағу сәті.

Мектебіміздің 11в сынып оқушысы Пересторонин Эдуард "Менің Отаным - менің бастамам" атты облыстық шығармашылық жобалар байқауында "Қазақстанның жеті кереметі" номинациясы бойынша 2 орынға ие болды. Жоба мақсаты: Отанын, елін, жерін сүюге, қастерлеуге тәрбиелеу. Патриоттық сезімдерін ояту.  Жетекшісі: Моргунова Татьяна Федеровна.