Республикалық референдум: АЭС құрылысы

2024 жылғы 6 қазанда Қазақстан Республикасы Президентінің 2024 жылғы 2 қыркүйектегі № 636 Жарлығына сәйкес республикалық референдум өтті. Н.Островский атындағы №8 орта мектеп коммуналды мемлекеттік мекемесінде №386 және 387 референдум учаскелері өз жұмысын таңнан бастады. Мемлекеттік және орыс тілдеріндегі дауыс беру бюллетенінде "Сіз Қазақстанда атом электр стансасының салынуымен келісесіз бе?" деген сұрақ бар. Ал сайлаушының жауап нұсқалары: "Иә, келісемін" және "Жоқ, келіспеймін". Сайлаушы кез келген белгіні өзі дауыс беретін жауап нұсқасының оң жағындағы бос шаршыға қояды. 6 қазанда Қазақстандағы сайлау учаскелерінің көпшілігі сағат 7:00-де ашылады. Және өз қызметін кешкі сағат 20:00-ге дейін атқарды. Дауыс беру тізіміне 12,3 миллионға жуық қазақстандық енгізілген. Референдумға 30 шет мемлекет пен төрт халықаралық ұйымның (Тәуелсіз Мемлекеттер Достастығы, Шанхай ынтымақтастық ұйымы, Түркі мемлекеттері ұйымы, Азиядағы өзара іс-қимыл және сенім шаралары жөніндегі кеңес) атынан 177 байқаушы қатысады.