"Әжелер сөзі - тәрбие көзі"

Мектебімізде Жетісу облысының Азаматтық Альянсының Президенті, Облыстық ата-аналар комитетінің төрағасы Дания Сәлімбайқызы бастаған "Белсенді әжелер" тобымен "Әжелер сөзі - тәрбие көзі" тақырыбында кездесу кеші өтті. Әже немересі мен шөбересін жүрегіне теңейді, өмірден жиған барлық ғибратын бүлдіршінді тәрбиелеуге арнайды. Ата жолын қусын деп адал еңбекке, мейірімді болсын деп қайырымдылыққа баулиды. Әженің әңгімесі мен ертегісін тыңдау, өнегесін үйрену, ақылын жадында тоқу-ұрпақ міндеті. Ол киелі, қасиетті, ардақты жан.