"Ұлттық киім - ұрпаққа аманат"

Ұлттық құндылық, ұлттық киімдерді дәріптеу мақсатында мектебімізде ұлттық киім кию челленджі жүзеге асырылды. Ұлттық мәдениет – мағынасы терең, көпқырлы ұғым. Халқымыздың төл мәдениеті салт-дәстүрден, әдет-ғұрыптан бастау алады. Ұлттық киімнің өзі – ұлт мәдениетінің жарқын көрінісі. Сондықтан ұл-қыздарымыз ұлттық киімді Наурыз мейрамында я болмаса басқа мерекелерде ғана емес, жиі киіп жүрсе керемет болар еді. Тек мерекеде емес, ұдайы киіп жүрсе де, жарасымды болатыны сөзсіз. Жалпы ұлт мәдениеті – халық өмірінің айнасы, оның болмысы. Бүгінгі таңда ұлттық киіміміз ұлттың брендіне айналып, қазақы нақыштағы киімді кию сәнге айналып келеді.