«Жас МАИ» тобы оқушыларының өмір қауіпсіздік сабақтары

«Жетісу облысы білім басқармасының Талдықорған қаласы бойынша білім бөлімі» мемлекеттік мекемесінің «Н.Островский атындағы № 8 орта мектеп» КММ «Жас МАИ» тобы жетекшілері химия пәнінің мұғалімі Н. Тутенова мен ағылшын тілі пәнінің мұғалімі Р. Махматов, мектебіміздің «Жас полиция көмекшілері» клубының мүшелерімен бірігіп, 1-8 сынып оқушыларына «Жаяу жүргіншілер мен жолаушылардың міндеттері» тақырыбында оқыту сабақтарын өткізді. Сонымен қатар, мектебіміздің әдеп-құқық жұмысы жөніндегі менторы - Ашимова Динара Ибрагимовна 8 «ә» сынып оқушылармен «Жол қозғалысының ережелері және жол қауіпсіздігі» тақырыбында тәрбие сағатын өткізді.

8 «ә» сынып оқушылары жол бойындағы белгілерді ажыратып, танысып, қауіпсіздік ережелерін өздері айтып, топтық, жұптық тапсырмаларды орындады.

Ал, «Жас МАИ» тобы мен ЖПК клубы мүшелері өткізген сабақ барысында әр сыныпқа кіріп 5 минут аралығында «Жол белгілері» суреттері көрсетіліп, тапсырмаларын орындатып, жаяу жүргінші мен жолаушының өзін-өзі ұстау ережелерімен таныстырылды.

Бастауыш пен орта буын оқушылары барынша білетін жол белгілері туралы ой бөлісіп, белгілерді тауып, сұрақтарға жауап берді.

Мектебіміздің әр жастағы шәкірттері үшін өте құнды ақпараттар беріліп, «Өмір қауіпсіздік ережелерін» сақтауға бағытталған іс-шарадан оқушыларымыз ой түйді деген үміттеміз.

#НОстровский_атындағы_8_орта_мектеп