Гандбол жарысы бойынша қалалық II кезең

2023 жылғы 14-16 қараша аралығында мектебімізде "Ұлттық мектеп лигасының" аясында Талдықорған қаласы бойынша білім бөлімінің жоспарына сәйкес, қала мектептерінің арасында гандбол жарысы бойынша қалалық II кезеңі басталды.  Мектеп спортзалында гандбол жарысының ашылуы болып, директордың тәрбие ісі жөніндегі орынбасары А.Мучураев сөз сөйлеп, жарысқа қатысушыларға сәттілік тіледі.
Ойындар 5-6, 9-11 сыныптар бойынша ұл, қызға бөлініп ұйымдастырылды. Барлық топтық және финалдық ойындар ҰМЛ жарыстарының нұсқаулығына сәйкес айналмалы жүйемен өтеді. Барлық ойындардың кестесі қала мектептерінің гандболға жауапты дене шынықтыру пәнінің мұғалімдеріне уақытылы хабарланды. Гандбол ойындарына төрешілік қала мектептерінен тағайындалған мұғалімдерден жасақталды. Жеңімпаз мектептердің командалары облыстық ҰМЛ жарыстарына жолдама алады!
Барлық жарысқа қатысушы мектеп командаларына сәттілік тілейміз!